الرئيسيةاليوميةس .و .جبحـثالأعضاءالمجموعاتالتسجيلدخول
DeliciousFacebookTwitterEmailWindows Live مواضيع لم يُرد عليها أفضل 20عضو قائمة أصـدقائي
StumbleponDiggMyspaceTechnorati تغذية rss أفضل اعضاء اليوم جديد المواضيع



شاطر | 
 

 جيتك يابحر بعد ما ضاق بي الصمت

اذهب الى الأسفل 
كاتب الموضوعرسالة
امين
كبار شخصيات منتدى عزف الكلام
كبار شخصيات منتدى عزف الكلام
avatar

عدد المساهمات : 59
تاريخ التسجيل : 21/09/2011

مُساهمةموضوع: جيتك يابحر بعد ما ضاق بي الصمت   الأربعاء أكتوبر 12, 2011 5:03 pm

جيتك يا بحر بعد ما ضاق بي الصمت

جيتك من كثر ما انجرحت وتألمت

يابحر شيل همي خلاص تبت وتعلمت

ماني لاقي أحد يحس بزفرة الآه

يابحر مدري أنا التايه ولا الحظ تاه

جيت أدور عني أنا

أبي ألاقي نفسي عندك بين صخورك

بأمواجك ,, أو في وجوه هالناس

جيت أفتش عن بقايا أشلائي

عن صوت اختفى بصمتي

وابتسامه فارقت شفاتي

يابحر قالوا عنك واسع وقلبك ماله شاطئ

بس أنا أبيك تسمعني للآخر

أنا جيتك حزين أصبر قلبي الصابر

جيت تسامرني بعد ماتفرقوا أحبابي

جيتك تداويني من أوجاعي

يابحر مالي غيرك مسامر

يابحر أبي جوابك

ليه الحزن مكتوب فيني؟؟؟

ليه يابحر أحس بوحدتي نار تكويني

يابحر الناس صارت من دون مشاعر

حتى أقرب الناس تغير وتجبر

يابحر محد باقي مثل ماكنت خابر

يابحر مالي ومال الناس؟؟

اللي فيني يكفيني

أنا محبوس بين صور من الماضي

أقلبها بأفكاري

حتى ضاقت بي الدنيا وتخلت عني أشعاري

وعاندتني أقلامي وكل الدفاتر

عشان كذا أبي تحس فيني

يابحر قلي ليه الدنيا عذاب

هموم ,, ودموع , واكتآب

ليه الكل رااااح من غير وداااع ليه راحوا بعيد

ما أشوفهم الا سراب

راحو بصمت لا تلويح ولا عتاب

يابحـــــر

ليه ناس مرتاحه وناس تنكوي بالنار

وليه جروح الكل تطيب

وجرحي للحين ماطاب

أدري أتعبتك يابحر

والأسئله ما لها عندك جواب

بس الحقيقه ليتك انسان

يمكن تحس فيني وش كثر أنا تعباان

ليتك تضمني بين أمواجك

ليتك تقرى قصتي وتعرف مين أنا

أنا قصيدة ألم من غير عنوان

أنا الألم كله

أنا جروح في صورة انسان

أنا ذكرى منسيه

أنا دموع وأحزان

باختصار أنا قصه

طويله مايحفظها كتاب

ليه يابحر؟؟

ليه ضاق صدرك

حتى أنت يابحر ماتبيني؟

ليه تنثر قطرات دمعك على عيني؟

يابحر بيكفي ,, دموعي تكفيني

مافيني حيل أواسيك أبيك أنت تواسيني

يمكن حتى أنت يابحر صرت مثل كل الناس قاسي

ماتحتمل هم أحد

وأنت منك ناقص هموم تكدر أفراحك

أشوفهم حولك في وجوههم سعاده

مدري ليش أنا أعيش لحظات الكآبه

يابحــــــــر

أبيك تحفظ شكوتي في أعماقك

وسر دمعتي احفظها أمانه

خلاص عشانهم برحل وما أكون سبب هياجك

افرح يابحر من أكون أصلا بين كل هالناس

أبرحل واعتبرني قطره من ذيك السحابه

ماراح أتحسف خلاص وش تفيد الحسافه

أبرحل واعتبرني تايه ظليل

أو سائح مر على أمواجك عابر سبيل


[]

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عزف الكلام
مؤسسة الموقع
مؤسسة الموقع
avatar

عدد المساهمات : 400
تاريخ التسجيل : 08/09/2011

مُساهمةموضوع: رد: جيتك يابحر بعد ما ضاق بي الصمت   الأحد فبراير 05, 2012 3:39 pm

بكل ماخطه حرفك
وبكل ماجمعه فكرك
تبقى مميز
ثق بأني أستمتعت كثيرا من بين السطور

[]

إن الحياة ألم،يحييه أمل،ينجزه عمل،ينهيه أجل،فليجازي الله كل بما عمل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://azef.hooxs.com
 
جيتك يابحر بعد ما ضاق بي الصمت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم الثقافه والادب :: شعر وزجل-
انتقل الى: